Reis Kavazović ludet ambasadorin Nelson në hapjen e xhamisë Aladža në Foça

SARAJEVO, (Patria) - Kryemyftiu i Bashkësisë Islame në Bosnje e Hercegovinë, Husein ef. Kavazoviç, priti në vizitë inauguruese ambasadorin e sapoemëruar të Shteteve të Bashkuara të Amerikës në Bosnje e Hercegovinë, Shkëlqesinë e Tij Eric Nelson. Kryemyftiu i uroi mirëseardhjen ambasadorit Nelson dhe i dëshiroi sukses në punën e tij, duke theksuar se qytetarët e Bosnje e Hercegovinës, por edhe Bashkësia Islame, vlerësojnë gjithçka që Shtetet e Bashkuara të Amerikës kanë bërë dhe ende po bëjnë për paqen dhe stabilitetin e BeH.

Ambasadori Nelson u interesua për procesin e dialogut ndërfetar, duke theksuar se Amerika dhe Bosnja janë të ngjashme në përpjekjen e tyre për të ruajtur diversitetin si pasurinë e tyre më të madhe.

Në fund të takimit, ku u diskutuan disa tema aktuale në Bosnje e Hercegovinë dhe rajon, kryemyftiu i ftoi edhe një herë Shkëlqesinë e Tij ambasadorin Nelson të marrë pjesë në ceremoninë e hapjes së xhamisë Aladža në Foça të shtunën, më 4 maj, duke shprehur mirënjohje që fondet e para për restaurimin e saj u alokuan nga Fondi i Ambasadorëve Amerikanë për ruajtjen e trashëgimisë kulturore.